Á götuna.....

Það verður að setja þak á verðtryggingu t.d. 2 til 3% hámark, áður en ég og hálf þjóðin verðum eignarlaus og lendum á götunni, þetta getur ekki gengið svona. Ég kæri mig ekkert um að fara í leiguhúsnæði eins og Jóhanna talar um,  þessi verðtrygging er bara þjófnaður, ég átti 13. milljónir í íbúðinni minni fyrir 3.-4. árum, (um 50%) ég borga og borga, og er ekki í vanskilum, í dag á ég um  5.-6. milljónir. Ég er orðin 50. ára og þetta er ævisparnaðurinn minn.  það er verið að stela honum af mér. það á að afnema verðtrygginguna strax  og hafa það afturvirt. Ætli ég geti farið í mál við ríkið fyrir þjófnað ???  Ég hef ekki tekið þátt í veraldarkapphlaupinu sem er búin að vera eins og vírus yfir landinu í mörg ár, ég hef þurft að velta fyrir mér hverri krónu, síðustu 15. árin. Ég sá viðtal við Geir  inni á Sky fyrir nokkrum dögum og þar talar hann um að við værum svo  góðu vön,  ég hef ekki séð þetta góðæri.  Hann hefur verið að tala um sjálfan sig???  En hver hlustar á mig ??? einhver kerlingardrusla að kvarta. Varð að setja þessa mynd Halldórs inn hún passar vel við, ég í yfirliði

Hiti í fólki í Háskólabíói

Athugasemdir

[Bara Steini, 9.12.2008 kl. 06:36]

Ég og fleiri hlusta.

Verst að öflin sem eiga að vernda okkur hlusta ekki.

[Diesel, 9.12.2008 kl. 08:01]

ég hlusta

en ég skipti varla máli, enda bara karlfuskur í svipaðri stöðu og þú.

[, 9.12.2008 kl. 10:06]

Svoo sammála.

[Sigurveig Eysteins, 9.12.2008 kl. 14:09]

takk fyrir þetta, það er alltaf gott að vita að einhver er að hlusta, bara að það væri einhver sem væri að bjarga þessu  sökkvandi skipi, og mér.

[Vilborg Traustadóttir, 9.12.2008 kl. 23:22]

Alveg rétt hjá þér.

[Kolbrún Jónsdóttir, 10.12.2008 kl. 00:02]

Ég er svo innilega sammála þér. Verið er að hugsa um gengi krónunnar, svo um bankana og fyrirtækin en hvað um hinn almenna borgara sem búinn er að bagsa meiri hluta ævinnar að standa í skilum og borga af sinni íbúð? Nú og unga fólkið sem er að byrja lífið?

Já burtu með verðtrygginguna, hún er hvort eð er úrelt!

[Magnús Sigurðsson, 10.12.2008 kl. 15:07]

Sammál þér, annað hvort skilja ráðherrar, alþingismenn og verkalýðsforkólfar ekki eðli fasteignalána eða þau er staðráðin í að koma upp stétt Íslendinga sem eyðir öllum fullorðinsárunum í vaxtaþrældómi.

[Sigurveig Eysteins, 10.12.2008 kl. 17:31]

 Það kom fram fyrir nokkrum vikum að ráðherrar skulda ekki mikið í eignum sínum, það er einhver 1. ráðherra sem er með skuldir á eignum sínum. Það er bara þannig að ef fólk er ekki í þessari stöðu þá geta þeir ekki séð þetta,enda eru stjórnmálamenn með það há laun að það gefur auga leið að þeir skulda ekki mikið. Með þessu áframhald þá verð ég eignarlaus, og þessir ráðherrar er nákvæmlega sama því þetta er ekki að gerast hjá þeim.

[Rakel Sigurgeirsdóttir, 12.12.2008 kl. 09:16]

Ég er ein þeirra sem hlusta og finn til vegna allra þeirra hörmunga sem birtast í þeirri mynd sem þú lýsir hér að ofan og fleiru sem lýtur að alvarlegri kjaraskerðingu almennings. Ég vildi að ég gæti sagt hókus pókus megi réttlætið og sanngirnin taka yfir núna á stundinni og sjá galdurinn virka. Því miður er ég ekki svo mögnuð. Ég bind þess vegna vonir við að samtakamáttur fólksins virki til þess.